Kaffi í klasanum með Yay

Fimmtudaginn 23. september kl. 15:00 viljum við bjóða þig velkominn/velkomna í kaffibolla og spjall í húsnæði Fjártækniklasans í Grósku, 2. hæð.

Kaffi í klasanum er tækifæri til að hittast og þegar við höldum slíkt þá veljum við venjulega eitt fyrirtæki í klasanum til að halda stutta tölu.

Ragnar Árnason, meðstofnandi Yay mun standa á kassa og segja frá fyrirtækinu, sem hefur unnið að mjög spennandi lausn í tengslum við gjafakort og greiðslur. Hann ber því titilinn kallinn á kassanum í kaffi í klasanum að þessu sinni.